វិភាគទាន

ការពង្រឹងភាពអង់អាច​ដល់​ពលរដ្ឋ​តាមរយៈ​ការ​នាំ​យក​ទិន្នន័យ​បើកទូលាយ​ទៅកាន់​សហគមន៍​នានា​នៅ​អាស៊ី​អាគ្នេយ៍

អង្គការទិន្នន័យអំពីការអភិវឌ្ឍ (អូឌីស៊ី) គឺជា គេហទំព័របែប “ទិន្នន័យបើកទូលាយ”។ គេហទំព័រប្រភេទនេះ ជាគេហទំព័រដំបូងគេបង្អស់នៅតំបន់អាស៊ី អាគ្នេយ៍។ បេសកម្មរបស់ អូឌីស៊ី គឺពង្រឹងការទទួលបានទិន្នន័យនៅកម្ពុជា តាមរយៈការផ្តល់ទិន្នន័យ និងព័ត៌មានជាសត្យានុម័ត អំពីសេដ្ឋកិច្ចសង្គម និងបញ្ហាបរិស្ថាន ទៅសារធារណៈជន។

យើងខិតខំប្រឹនប្រែងដើម្បីការអភិវឌ្ឍប្រកបដោយចីរភាព និង បរិយាប័ន្ន តាមរយៈការលើកកម្ពស់ការយល់ដឹងជាសាធារណៈ និងសម្របសម្រួលការជជែកដេញដោលប្រកបដោយការយល់ដឹង ការចូលរួមរបស់ពលរដ្ឋក្នុងកិច្ចការសាធារណៈ និងគណនេយ្យភាពនិងតម្លាភាពដែលមានបទដ្ឋានខ្ពស់។

យើងប្រមូល និងចងក្រងទិន្នន័យពាក់ព័ន្ធនឹងការអភិវឌ្ឍរបស់ប្រទេស និងចែកចាយទិន្នន័យទាំងនោះតាមរយៈ ផែនទីអន្តរកម្ម សំណុំទិន្នន័យ ទស្សនីយកម្មទិន្នន័យ និងទំព័រប្រធានបទផ្សេងៗ ក្នុងភាសាខ្មែរ និងភាសាអង់គ្លេស។

អូឌីស៊ី បានក្លាយជាធនធានមួយដ៏សំខាន់សម្រាប់ ប្រព័ន្ធអេកូឡូស៊ីបច្ចេកវិទ្យាស៊ីវិលរបស់ប្រទេសកម្ពុជា ហើយបទពិសោធន៍របស់យើងមិនត្រឹមតែផ្តល់អត្ថប្រយោជន៍ដល់ប្រទេសយើងប៉ុណ្ណោះទេ ព្រោះវាអាចបម្រើដល់ប្រទេសដទៃទៀតដែលមានលក្ខណៈស្រដៀងគ្នា។

អូឌីស៊ី បានចំណាយពេលវេលាយ៉ាងច្រើនក្នុងសកម្មភាពផ្សព្វផ្សាយ ដូចជា សិក្ខាសាលា hackathons និងការចុះទៅកាន់តំបន់ជនបទ ដើម្បីបង្ហាញប្រជាពលរដ្ឋពីវិធីទទួលបានទិន្នន័យ និងប្រើប្រាស់ទិន្នន័យ។ គេហទំព័ររបស់យើង មានអ្នកចូលមើលជាមធ្យមច្រើនជាង ៦០០០០ នាក់ក្នុងមួយខែ។

អូឌីស៊ី គឺជាគេហទំព័រ ទិន្នន័យបើកទូលាយ ដែលបានបង្កើតឡើងដោយ វិទ្យាស្ថានគ្រប់គ្រង បូព៌ា-បស្ចឹម (EWMI) ក្នុងឆ្នាំ២០១១ ដើម្បីធ្វើឱ្យទិន្នន័យដែលមិនអាចចូលប្រើបានកាលពីមុន ទៅជាអាចប្រើប្រាស់បានក្នុងលក្ខណៈអព្យាក្រឹតនយោបាយ។ អូឌីស៊ី បានចុះឈ្មោះជាអង្គការក្រៅរដ្ឋាភិបាលឯករាជ្យក្នុងស្រុកក្នុងឆ្នាំ២០១៥។ មធ្យោបាយ “ផ្តល់តែអង្គហេតុ” របស់ អូឌីស៊ី ធានាថាព័ត៌មានអាចត្រូវបានបង្ហាញដោយអព្យាកិ្រត ហើយសំណុំទិន្នន័យផ្សេងៗអាចប្រៀបធៀប និងវាយតម្លៃបាន។

ការគាំទ្រទៅលើសកម្មភាព និងគំនិតផ្តួតផ្តើមរបស់ អូឌីស៊ី កន្លងមកបានធ្វើឱ្យទិន្នន័យ និងចំនេះដឹងថ្មីៗជាច្រើនត្រូវបានបង្កើតឡើង ដើម្បីគាំទ្រដល់យុទ្ធសាស្រ្តអភិវឌ្ឍន៍ ការធ្វើផែនការ និងកម្មវិធីនានានៅក្នុងប្រទេសកម្ពុជា។